ထိုင်းကုမ္ပဏီများ မြန်မာနိုင်ငံ ဆိုလာစွမ်းအင်ကဏ္ဍ၌ လာရောက်ရင်းနှီးမြှုပ်နှံရန်ဆွေးနွေး

ထိုင်းကုမ္ပဏီများက မြန်မာနိုင်ငံရှိ ဆိုလာစွမ်းအင်ကဏ္ဍတွင် ရင်းနှီးမြှုပ်နှံရန်လာရောက် ဆွေးနွေးနေကြောင်း ဇူလိုင် ၃၁ ရက်က ရင်းနှီးမြှုပ်နှံမှုနှင့် ကုမ္ပဏီများ ညွှန်ကြားမှုဦးစီးဌာန ခေတ္တညွှန်ကြားရေးမှူးချုပ် ဦးသန့်စင်လွင်က ပြောဆိုခဲ့သည်။
“မြန်မာနိုင်ငံအလယ်ပိုင်းမှာဆို ထိုင်းနိုင်ငံရဲ့ ရင်းနှီးမြှုပ်နှံမှုက ဆိုလာစွမ်းအင်ပိုင်းကို ဦးစား ပေးလာတယ်။ ကျွန်တော်တို့ဆီကို ဆိုလာ စွမ်းအင်နဲ့ပတ်သက်လို့ ထိုင်းကုမ္ပဏီလေး၊ ငါးခုလောက်က ကျွန်တော်တို့ကို လာဆွေးနွေး တယ်။ ထိုင်းက မြန်မာနိုင်ငံမှာ ရင်းနှီးမြှုပ်နှံတဲ့ အဆင့်က အဆင့်လေးရှိတယ်။ အမေရိကန် ဒေါ်လာ ၁၁ ဒသမ ၃ ဘီလီယံလောက်ရင်းနှီး မြှုပ်နှံထားတယ်″ဟု ခေတ္တညွှန်ကြားရေးမှူးချုပ် ဦးသန့်စင်လွင်က ပြောဆိုသည်။

လက်ရှိ မြန်မာနိုင်ငံအတွင်း ရင်းနှီးမြှုပ်နှံမှု ပမာဏ စုစုပေါင်း အမေရိကန်ဒေါ်လာ ၈၀ ကျော်ရှိပြီး ယင်း ၈၀ ကျော်ထဲတွင် စင်ကာပူနှင့် တရုတ်က အများဆုံးရင်းနှီးမြှုပ်နှံထားကာ တတိယအများဆုံးမှာ ဟောင်ကောင်ဖြစ်ပြီးထိုင်းနိုင်ငံက ရင်းနှီးမြှုပ်နှံမှုပမာဏ အမေရိကန် ဒေါ်လာ ၁၁ ဒသမ ၃ ဘီလီယံဖြင့် စတုတ္ထ အများဆုံး ရင်းနှီးမြှုပ်နှံထားခြင်းဖြစ်ကြောင်း သိရသည်။

မြန်မာနိုင်ငံအတွင်း ထိုင်းနိုင်ငံက ဝင် ရောက်ရင်းနှီးမြှုပ်နှံသည့် လုပ်ငန်းများသည် သီလဝါစက်မှုဇုန်တွင်လည်း ကုန်ထုတ်လုပ်သည့်လုပ်ငန်းများဖြစ်ပြီး မြန်မာနိုင်ငံအလယ် ပိုင်းတွင်လည်း ဆိုလာစွမ်းအင်လုပ်ငန်းများ ဖြစ်ကြောင်း ယင်းဦးစီးဌာနမှသိရသည်။

မြန်မာ-ထိုင်း နှစ်နိုင်ငံကုန်သွယ်ရေးသည် ၂၀၁၉ ခုနှစ် ပထမခြောက်လအတွင်း အမေ ရိကန်ဒေါ်လာ ၃ ဒသမ ၈၅ ဘီလီယံရရှိခဲ့ပြီး ပြီးခဲ့သည့် ၂၀၁၈ ခုနှစ် ပထမခြောက်လ အတွင်းက အမေရိကန်ဒေါ်လာ ၂၁ သန်းသာ ရရှိခဲ့ကြောင်း ထိုင်းနိုင်ငံကုန်သွယ်ရေးဝန်ကြီး ဌာန၏ဖော်ပြချက်များ၌ ဖော်ပြထားကြောင်း မြန်မာနိုင်ငံဆိုင်ရာ ထိုင်းသံမတ်H.E.Mrs.Suphatra Srimaitreephithak က ပြောဆို ထားသည်။

ပြန်တက်လာ

ထို့ပြင် ၂၀၁၈ ခုနှစ်အတွင်း ထိုင်း-မြန်မာ နှစ်နိုင်ငံကြားကုန်သွယ်မှုသည် အမေရိကန် ဒေါ်လာ ၇ ဒသမ ၆၄ ဘီလီယံအထိရောက်ရှိ ခဲ့ကြောင်း ယခင် ၂၀၁၇ ခုနှစ်ထက် ၁၂ ဒသမ ၅၉ ရာခိုင်နှုန်းမြင့်တက်လာကာ ထိုင်းမှ မြန်မာ နိုင်ငံသို့တင်ပို့သည့် ပို့ကုန်အရေအတွက်သည် ၇ ဒသမ ၃၅ ရာခိုင်နှုန်းအထိမြင့်တက်လာပြီး မြန်မာနိုင်ငံမှ ထိုင်းနိုင်ငံအတွင်းသို့တင်သွင်း သည့်သွင်းကုန်များမှာလည်း ၂၁ ဒသမ ၆ ရာခိုင် နှုန်းမြင့်တက်လာကာ ဝင်ငွေအားဖြင့် အမေ ရိကန်ဒေါ်လာ သုံးဘီလီယံအထိရှိကြောင်း သိရသည်။
MMtimes

Leave a Reply

Your email address will not be published. Required fields are marked *