အလုပ်ကို ဦးစားပေးသူများအတွက် ဂျပန်နိုင်ငံမှ ဖုန်းရုံအရွယ်အစား အလုပ်ခန်းများ

ဂျပန်နိုင်ငံသည် အလုပ်နှင့်လက်မပြတ်သည့်နိုင်ငံများတွင် အပါအဝင်ဖြစ်သည်။ ထိုနိုင်ငံတွင်နေထိုင်ပြီး အလုပ်လုပ်သူအားလုံးက အချိန်ကိုပိုတန်ဖိုးထားသည်။

သို့သော် တစ်ခါတစ်ရံဖြစ်ပေါ်သည့်ယာဉ်ကြောကျပ်မှုနှင့် အဝေးတစ်နေရာတွင် ရာက်နေစဉ် အရေးကြီးသော အလုပ်များ ပေါ်လာခြင်းတို့က ၎င်းတို့၏အလုပ်အပေါ် မလိုအပ်ဘဲ အနှောင့်အယှက်ဖြစ်စေနိုင်သည်။ ထိုသို့သော အနှောင့်အယှက်များကို ကင်းဝေးစေသည့်တီထွင်ကြံဆမှုက လူအများဆုံးရှိတတ်သည့် နေရာများတွင် အလုပ်ခန်းထားပေးရန်ဖြစ်သည်။ ၁ ဒသမ ၂ စတုရန်းမီတာ အကျယ်သာရှိသည့် ဖုန်းရုံပုံစံအလုပ်ခန်းများက မီးရထား ဘူတာရုံများ၊ လေဆိပ်များနှင့် မိုးမျှော်တိုက်ကြီးများတွင် နေရာယူလာတော့မည် ဖြစ်သည်။

တယ်လီကျူ့ဟု အမည်ပေးထားသည့် ထိုအလုပ်ခန်းများတွင် ထိုင်ခုံတစ်လုံး၊ စားပွဲတစ်လုံးနှင့် မီးပလတ်ပေါက်တို့ပါ ဝင်သည်။

မစ်ဆူဘီရှီအက်စတိတ်၊ အိုကာမူရာကော်ပိုရေးရှင်း၊ ဗီကျူ့နှင့် တယ်လီကျူ့ကုမ္ပဏီတို့ ပူးတွဲထုတ်လုပ်ထားသည့် ထိုအလုပ်ခန်း စုစုပေါင်း ၁ဝဝဝ ကို ၂ဝ၂၃ ခုနှစ်ရောက်သည့်အချိန်တွင် အပြီးတပ်ဆင်သွားမည်ဖြစ်သည်။

ယခင်က ကော်ဖီဆိုင်များ၌ လပ်တော့မပါဘဲ ခက်ခက်ခဲခဲ အလုပ်လုပ်နေရသည့် အလုပ်သမားများနှင့် အမြဲလိုလို ပြည့်နေတတ်သည်။

ထို့ပြင် ဂျပန်နိုင်ငံရှိ လုပ်ငန်းရှင်များနှင့် အလုပ်သမားများအနေဖြင့် လိုအပ်သည့် အခါတွင် အလုပ်ခန်းကဲ့သို့ အသုံးပြုနိုင်စေမည့် နေရာများ မဖြစ်မနေလိုအပ်နေသည်ကို ကုမ္ပဏီများက သိရှိထားသည်။

စီးပွားရေးကုမ္ပဏီများကလည်း ထိုသို့သောအလုပ်ခန်းများထားရှိရေးကို စိတ်ဝင်စားမှု မြင့်တက်လျက်ရှိသည်။ အထူးသဖြင့် အလုပ်သမား ၁ဝဝ ကျော်ရှိသည့် စီးပွားရေးကုမ္ပဏီများက အဝေးမှနေ၍ အလုပ်လုပ်မှုကိုစိတ်ဝင်စားမှု ၁၆ ရာခိုင်နှုန်းသာရှိရာမှ ယခုအခါ၁၉ ရာခိုင်နှုန်းအထိမြင့်တက်လာသည်။

ယခုတပ်ဆင်မည့်အလုပ်ခန်းများကို အသုံးပြုလိုသူများအနေဖြင့် တယ်လီဖုန်းမှတစ်ဆင့် ကြိုတင်စာရင်းသွင်းနိုင်ပြီး စမတ်ဖုန်းများရှိ ကျူအာကုတ်များကို အသုံးပြုခြင်းဖြင့် အလုပ်ခန်းကို ဖွင့်နိုင်မည်ဖြစ်သည်။ ထိုအလုပ်ခန်းကို ငှားရမ်းခမှာ ၁၅ မိနစ်လျှင် ယန်း ၂၅ဝ ဖြစ်သည်။

မစ်ဆူဘီရှီနှင့် ၎င်း၏မိတ်ဖက်ကုမ္ပဏီများက အဆိုပါတယ်လီကျူ့အလုပ်ခန်းရှေ့ပြေးပုံစံ ၂၂ ခုကို ပြီးခဲ့သည့်နှစ် နိုဝင်ဘာမှစ၍ စမ်းသပ်တပ်ဆင်မှုများပြုလုပ်ထားသည်။

အရှေ့ဂျပန် မီးရထားကုမ္ပဏီဆိုလျှင်သြဂုတ် ၁ ရက်မှစ၍ ၎င်းတို့၏ကိုယ်ပိုင်အလုပ်ခန်းငယ်များကို မိတ်ဆက်ထားသည်။

ထိုကုမ္ပဏီ၏ အလုပ်ခန်းငယ်များတွင် စားပွဲတစ်လုံး၊ ဆိုဖာထိုင်ခုံ၊ မီးပလတ်ပေါက်၊ အခမဲ့ဝိုင်ဖိုင်နှင့် အပူပေးစနစ်တို့ တပ်ဆင်ထားသည်။

ဂျပန်အစိုးရကလည်း နိုင်ငံအတွင်းရှိအလုပ်သမားများအနေဖြင့် လမ်းခရီး၌ အလုပ်လုပ်ရင်းရုံးတက်နိုင်ရန် တိုက်တွန်းထားသည်။ အထူးသဖြင့် ၂ဝ၂ဝ ပြည့်နှစ်တိုကျို အိုလံပစ်အားကစားပွဲတော်ကာလတွင်ဖြစ်သည်။ အဆိုပါ အားကစားပွဲတော် ကာလအတွင်း ခရီးသွား ၇ ဒသမ ၈ သန်းခန့် ရောက်ရှိနိုင်သည်ဟု အားကစားပွဲဖြစ်မြောက်ရေး ကော်မတီက ထုတ်ပြန်ထားသည်။

Ref: The Straits Times

Leave a Reply

Your email address will not be published. Required fields are marked *