မကျွမ်းကျင်သည့် စစ်ဘက်အရာရှိများ အရပ်ဘက်သို့ မပို့ရန် သမ္မတရုံး အမိန့်ထုတ်ထား

သက်ဆိုင်ရာကဏ္ဍအလိုက် ကျွမ်းကျင်မှု မရှိသည့် တပ်မတော်အရာရှိများကို အရပ်ဘက် ဝန်ကြီးဌာနများသို့ လွှတ်၍ တာဝန်ထမ်း ဆောင်စေခြင်းများအား ခွင့်မပြုရန် နိုင်ငံတော် သမ္မတရုံးက အမိန့်ညွှန်ကြားချက်တရပ် ထုတ်ပြန်ထားကြောင်း သတင်း ရရှိသည်။

တပ်မတော်မှ ရဲတပ်ဖွဲ့ သို့ ကူးပြောင်းခြင်းကို လိုအပ်ချက်အရ ခွင့်ပြုမည် ဖြစ်သော်လည်း အခြားအကြောင်းအရာမျိုးတွင် ခွင့်မပြုဟု ယခုနောက်ပိုင်းတွင် သမ္မတရုံးက အမိန့်ထုတ်ထားကြောင်း သမ္မတရုံး ပြောခွင့်ရသူ ဦးဇော်ဌေးက ပြောသည်။

“တချို့ ကိစ္စတွေကျတော့ သူတို့ရဲ့ ပရော်ဖက်ရှင်နယ် ကျွမ်းကျင်မှုနဲ့ ဆိုင်တဲ့ဟာမျိုးကိုပဲ ဒီဘက်ကို ခေါ်ဖို့ ဆိုတာမျိုး ရှိတယ်။ ဒီဟာနဲ့ မဆိုင်ဘဲနဲ့ ဒီဘက်ကို တာဝန်ထမ်းဆောင်တာတွေကို ခွင့်မပြုဖို့ ညွှန်ကြားချက် ထုတ်ထားတယ်” ဟု သမ္မတရုံး ညွှန်ကြားရေးမှူးချုပ် ဦးဇော်ဌေးက မနေ့က နေပြည်တော်တွင် သတင်းထောက်များကို ပြောသည်။

မနေ့က ညနေပိုင်းက နေပြည်တော် သမ္မတအိမ်တော်တွင် ပြုလုပ်သည့် သတင်းစာ ရှင်းလင်းပွဲတွင် ဧရာဝတီက ဒီဇင်ဘာလ ၄ ရက်နေ့တွင် အမိန့်ထုတ်ပြန်ခဲ့သည့် သမ္မတရုံး၊ အတိုင်ပင်ခံရုံးနှင့် နိုင်ငံခြားရေး ဝန်ကြီးဌာနတို့တွင် ခန့်အပ်ခံရသည့် ညွှန်ချုပ်များ သည် မည်သည့်အတွက်ကြောင့် စစ်ဘက်အရာရှိဟောင်းများ ဖြစ်နေရသနည်းဆိုသည့် မေးခွန်းတခုကို မေးမြန်းခဲ့သည်။

ယင်းနေရာများတွင် “အရပ်သားများကို နေရာပေးလို့ မရနိုင်ဘူးလား” ဆိုသည့် မေးခွန်းကို တပ်မတော်က နှစ်ပေါင်းများစွာ အုပ်ချုပ်ခဲ့ သည့် နိုင်ငံတွင် တပ်မတော်နှင့် အုပ်ချုပ်ရေး ကဏ္ဍမှာ ဆက်စပ်နေကြောင်း၊ သို့သော် ၂၀၁၀ ရွေးကောက်ပွဲ နောက်ပိုင်းတွင် ယခု ကိစ္စမျိုးကို တဖြည်းဖြည်း လျော့ချခဲ့ကြောင်း ဗိုလ်မှူးဟောင်းတဦးလည်း ဖြစ်သူ ဦးဇော်ဌေးက ပြောသည်။

ဦးဇော်ဌေး က “နောက်ပိုင်းကျရင် မျိုးဆက်သစ်တွေရဲ့ Capacity Building က ပိုများလာတယ်။ ပြည်ပ ပညာသင်တယ်။ MPA ၊ MBA တက်ကြတယ်။ အုပ်ချုပ်မှု ကဏ္ဍမှာ လူငယ်တွေ ပိုများလာမယ်။ နောက်ပိုင်းမှာ ဒီလိုပြောစရာတွေ မရှိတော့ဘူး။ သို့သော်လည်း လတ်တ လောကတော့ ကျနော်တို့က ဒီမိုကရေစီ အသွင်ကူးပြောင်းနေတယ်ဆိုတဲ့ သဘောမျိုးတော့ မြင်တွေ့ဖို့တော့ လိုမယ်” ဟု ပြောသည်။

အထက်ပါ ဝန်ကြီးဌာနများတွင် ညွှန်ချုပ်များအဖြစ် အတည်ပြု ခန့်အပ်ခြင်း ခံရသူများသည်လည်း ညွှန်မှူး၊ ဒုညွှန်ချုပ် စသည့် ရာထူး အဆင့်ဆင့်ကို ဖြတ်သန်းခဲ့သူများ ဖြစ်ကြောင်းလည်း ထောက်ပြသည်။

မဟာဗျူဟာနှင့် မူဝါဒ လေ့လာရေးအဖွဲ့ (မြန်မာ)မှ ဒါရိုက်တာ တဦးဖြစ်သူ ဦးအောင်သူငြိမ်းက မြန်မာပြည်ဆိုရှယ်လစ် လမ်းစဉ်ပါ တီခေတ်၊ စစ်အစိုးရခေတ် တလျှောက်လုံးတွင် တပ်မတော်ဘက်မှ လူများကို အရပ်ဘက်သို့ ကူးပြောင်းပေးပြီး ရာထူးကြီးကြီး ပေးသည့် အစဉ်အလာမှာ ဝန်ထမ်းလောကတွင် နက်ရှိုင်းစွာ ရောက်ရှိနေပြီ ဖြစ်ကြောင်း၊ ယခုအခါ အစိုးရဌာနများတွင် ရာထူးကြီး ကြီး ရရှိထားသည့် တပ်မတော်အရာရှိများမှာ ရှောင်၍ပင် မရတော့ကြောင်း  ပြောသည်။

“တချို့ ဝန်ထမ်းတွေ အရာရှိတွေက သူတို့ ရာထူးတက်မယ်လို့ မှန်းထားတယ်။ အဲဒီအချိန်မှာ တယောက်က ပိတ်လိုက်ပြီးတော့ မိုး ကျရွှေကိုယ် ခေါ်မလား၊ ဒီလို လာဖြစ်တဲ့အခါမှာတော့ ကိုယ့်မက်လုံး ပျောက်သွားတာပေါ့။ မျှော်လင့်ချက်တွေ ပျက်သွားတဲ့ ပုံစံမျိုး ဖြစ်သွားတယ်လေ။ အဲဒါမျိုးကျတော့ ကျန်တဲ့ ဝန်ထမ်းတွေ အတွက်ကို အားလျော့စေတာပေါ” ဟု ဦးအောင်သူငြိမ်းက ပြောသည်။

သို့သော် တဖက်မှ ပြန်ကြည့်လျှင် ယင်းအသွင်ကူးပြောင်းသူများသည့် လုပ်ငန်းအတွေ့အကြုံအားဖြင့် လုပ်ငန်းဌာနများတွင် ၁၀ နှစ်၊ ၁၅ နှစ် လုပ်လာသူများ ဖြစ်၍ အတွေ့အကြုံ ရှိသူများဟု ပြောနိုင်ကြောင်း၊ ယခု ကိစ္စနှင့် ပတ်သက်၍ ပြည်ထောင်စု ရာထူးဝန် အဖွဲ့၏ ရာထူးခန့်ထားရေး၊ ရာထူးတက်ရေး မူဝါဒနှင့် တက်လာသည့် အစိုးရ၏ မူဝါဒမှာ အရေးကြီးသည်ဟု မြင်ကြောင်း ၎င်းက ပြောသည်။

တပ်မတော်တွင် ဒုတိယ ဗိုလ်မှူးကြီး ရာထူးဖြင့် အရပ်ဘက်သို့ ကူးပြောင်းလာခဲ့သူ ယခု ပြန်ကြားရေး ဝန်ကြီးဌာန အမြဲတန်း အ တွင်းဝန် ဦးမျိုးမြင့်မောင်က စစ်ဘက်အရာရှိများသည် ရာထူးကြီးများ တန်းယူသည်ဟု အရပ်ဘက်မှ ကြည့်ပါက မှန်ကြောင်း၊ သို့သော် တဖက်မှ စဉ်းစားပါကလည်း ၎င်းတို့သည် ချက်ချင်းလက်ငင်း ရာထူးကြီးများကို တန်းရခြင်း မဟုတ်ဘဲ စစ်ဘက်တွင် ရာထူးတာဝန် အဆင့်ဆင့် ကို ထမ်းဆောင်ခဲ့သူများ ဖြစ်ကြောင်း ရှင်းပြသည်။

“ဒီလို ဖြတ်သန်းလာတဲ့ အတွေ့အကြုံတွေ အပေါ်မှာ မူတည်ပြီးတော့ ရောက်လာတာ။ ဒီဘက်ကလူတွေကလည်း အလုပ်လုပ်နေ ချိန်မှာ ဟိုဘက်မှာလည်း အလုပ်လုပ်နေရတာ။ ဒီဘက်ကကျတော့ ဟာရောက်တာနဲ့ ရာထူး အကြီးကြီးတွေ ရတယ်ပေါ့။ ဒီအမြင် ကွဲပြားမှုကတော့ ရှိနေဦးမှာပဲ။ ဒီအခြေအနေက အဲလို ဖြစ်နေတာကိုး”ဟု ဦးမျိုးမြင့်မောင်က ဆိုသည်။

၎င်းမှာ တပ်မတော် အရာရှိငယ် ဘဝက ကဗျာ၊ စာပေ၊ ဝတ္ထုများ ရေးလေ့ရှိသူ ဖြစ်သဖြင့် ပြန်ကြားရေး ဝန်ကြီးဌာနသို့ အပို့ခံရပြီး ၎င်းအနေဖြင့် မည်သည့်နေရာတွင် တာဝန်ထမ်းဆောင်ရမည်ကို ကြိုတင် သိရှိခဲ့ခြင်း မရှိသလို တပ်မတော်တွင် အပြစ်လုပ်ခဲ့၍ သို့ မဟုတ် ကျန်းမာရေးအရ ပြောင်းရွေ့ လာခဲ့သူ မဟုတ်ကြောင်း သိရသည်။

တပ်မတော်တွင် ကျန်းမာရေး မကောင်း၍ ဖြစ်စေ၊ အရပ်ဘက် နေရာတချို့ကို ရယူလိုကြောင်း ဆန္ဒရှိသည့်အခါ ဖြစ်စေ တပ်မတော် လူကြီးများထံသို့ အကူအညီတောင်းခံ၍ ပြောင်းရွေ့ ခွင့်ရသူများလည်း ရှိသည်။

ဒုတိယ ဗိုလ်မှူးကြီးဟောင်း ဦးမျိုးမြင့်အောင်က “နေရာတခုမှာ အဆင်ပြေချင်ရင် ယုံကြည်ချက်နဲ့ ခံယူချက် ရှိဖို့ လိုတယ်။ ပတ်ဝန်း ကျင် မတူဘူး။ ဆက်ဆံရတဲ့ နယ်ပယ်မတူဘူး။ လုပ်ငန်းတာဝန်ကလည်း ကွဲပြားသွားတယ်။ အဲတော့ ခံယူချက်ကတော့ နိုင်ငံဝန် ထမ်းတယောက် ဖြစ်တယ်။ လုပ်ရမယ့် အလုပ်တွေကို ကြိုးစားရမယ်။ ပေးတဲ့တာဝန်ကို ပြီးမြောက်အောင် လုပ်ရမှာပဲ”ဟု ပြော သည်။

လက်ရှိ အစိုးရ၏ ဆောင်ရွက်ချက်များကို နားလည်မှုရှိရန် လိုကြောင်း၊ သမ္မတ ဦးဝင်းမြင့်၏ မိန့်ခွန်းတွင် တည်ငြိမ်မှုလည်း ရှိစေ၊ ပြု ပြင် ပြောင်းလဲမှုလည်း ဖြစ်စေ ဆိုသည့်အတိုင်း လက်ရှိ အရပ်သား အစိုးရသည် အုပ်ချုပ်ရေး အတွေ့ အကြုံ မရှိသေး၍ အုပ်ချုပ် ရေး ယန္တရားတွင် အသားကျနေသူများကို အသုံးပြုရမည် ဖြစ်ကြောင်း သမ္မတရုံး ညွှန်ချုပ် ဦးဇော်ဌေးက ပြောသည်။

“တချို့ က ပြည်နယ်အဆင့်မှာ လုပ်ဖူးသူနဲ့ ပြည်ထောင်စု အဆင့်မှာ လုပ်ဖူးတဲ့သူ မတူဘူး။ ရှုမြင်ချက်၊ သုံးသပ်ချက်၊ လုပ်ကိုင်ပုံတွေမတူဘူး။ အလားတူပဲ ပြည်ထောင်စု Level မှာကိုပဲ ပြည်ထောင်စု ဝန်ကြီးဌာနတွေမှာ လုပ်တဲ့သူတွေနဲ့ သမ္မတရုံး၊ အတိုင်ပင် ခံရုံးမှာ လုပ်တဲ့သူတွေနဲ့ မတူဘူး။ ရှု့ မြင်ပုံလည်း မတူဘူး။ ဒီအချက်တွေအပေါ်မှာ ထူးခြားတဲ့ သဘောသဘာဝတွေ ရှိတဲ့အတွက် ဒါမျိုး ဆက်သွားတာ ဖြစ်တယ်”ဟု ၎င်းက ပြောသည်။

ပြီးခဲ့သည့် နှစ်က နေပြည်တော် ပြန်ကြားရေး ဝန်ကြီးဌာနတွင် ပြုလုပ်ခဲ့သည့် အစိုးရ၏ ၂ နှစ်ပြည့် ဆောင်ရွက်ချက်များ အကြောင်း သတင်းစာ ရှင်းလင်းပွဲတွင် တပ်မတော်အရာရှိများကို ကိုယ်လက် အင်္ဂါထိခိုက်သူများမှ လွဲ၍ အရပ်ဘက်တွင် လက်ခံရန် မရှိ ကြောင်း၊ သို့သော် အရပ်ဘက် ဝန်ကြီးဌာနများက ဝန်ထမ်း လိုအပ်ချက် ရှိကြောင်း တောင်းခံသည့်အခါ အဆင်သင့် ရှိနေသည်မှာ ကာကွယ်ရေး ဝန်ကြီးဌာနမှ ဖြစ်နေကြောင်း ပြည်ထောင်စု ရာထူးဝန် အဖွဲ့မှ ရှင်းလင်းခဲ့သည်။

Leave a Reply

Your email address will not be published. Required fields are marked *